Sigdestadnakkjen er eit fjell som ligg for seg sjølv så det opnar ikkje for lengre turar oppover. Men det er fint å gå langs med toppen av fjellet til ytste kant og kome ned ved Myklebustsetra, eller ein kan gå den litt kortare og brattare vegen ned til Sigdestadbrua. Frå Nakkjen er det ei nydeleg utsikt over bygda og fjorden, men og ut gjennom Myklebustdalen. Det er ikkje noko vatn på Sigdestadnakkjen, og det er dårleg med elvar undervegs. På toppen ved varden er det ei bok der du kan skrive deg inn. Det har og dei siste åra vore ein orienteringspost på toppen av Sigdestadnakkjen.